今個weekend 想搵日本野食就訂左呢間餐廳。
叫左$400 特上壽司定食（deluxe)
包salad、茶碗蒸同湯。茶碗蒸打開上面得幾條菇，入面咩肉同海鮮都冇真係打左個突🫢。記得同之前食過唔同，亦都對唔起呢個餐廳檔次。
到壽司黎埋，見到俾隻熟蝦真係O左咀🫣 呢間餐廳既所謂【deluxe】原來連隻赤蝦或牡丹蝦都無。13件set仲有件和牛（但都幾硬身）同埋好細件海膽。
除左食物質素大打折扣同退步之外，整個用餐過程氣氛都好差。餐廳唔full但每樣野一食完即刻黎收野，成個set 分幾轉上壽司加甜品只係用左半個鐘，唔講以為自己去左茶餐廳🙄
當日用餐有一group黎食omakase, 開曬酒員工又飲埋一份陪笑，嘈到令人尷尬。呢間餐廳已入blacklist 唔會再黎了。
