呢間地中海餐廳地點幾方便，舖頭細細但裝修幾雅緻，仲有户外座位區，幾適合放工同朋友或者伴侶嚟食飯傾偈。今晚同老細探店！
🥣頭盤試咗「Spicy Trio」，係三款唔同口味嘅豆蓉醬，配彼得包一齊食。醬料味道幾濃郁，但唔會太重味，反而幾開胃……但估唔到都幾飽肚😝😅。
🧀另外仲試咗個「鐵板鹹香芝士）」（Hallumi：Halloumi 係一種來自賽普勒斯的半硬質、白色起司，以其獨特的高溫烹飪時不融化的特性而聞名。 它通常由山羊奶、綿羊奶或牛的奶製成，味道溫和帶有淡淡的鹹味和奶香味），芝士烤得啱啱好，外皮硬硬地，有啲似豆腐乾，配埋青紅椒，鹹鹹地都幾香口。
🐐🥚最特別係試咗「羊睪丸」😝，聽落有啲驚人，但真心好食！口感似煎鵝肝，配埋香蒜橄欖油油完全冇羶味，調味做得幾好，值得一試。🥰👍🏻
🍢主菜叫咗「烤雞串」（Chicken shish Tawook），用個好靚嘅木盒碳爐上菜，熱辣辣，幾有心思。雞肉烤得幾嫩，唔會太乾，碳烤香味幾突出，仲有薯仔同醬汁配搭。
🥟甜品試咗「Katayef」，係一款炸完再浸糖水嘅甜餡餅，有芝士同肉桂兩款口味。口感濕潤但偏甜，如果鍾意甜食嘅人一定好鍾意😍。
🍦另外「Bozza」開心果雪糕都好正，上面鋪滿果仁，好香滑，味道濃郁，唔會太甜。
🍹飲品叫咗新鮮檸檬薄荷同橙汁，兩款都幾清新，尤其檸檬薄荷幾解膩🥳。
整體嚟講，食物有特色又唔會太誇張，環境幾舒服，價錢合理。如果想試吓地道地中海菜，呢間確係個唔錯嘅選擇！
