Nonsense

之前已經有見過呢間餐廳係有得幫人畫碟，亦都畫得好靚，所以都有興趣嚟試吓，2個人去。如果畫碟兩個公仔人均最低消費每人300其實都差唔多，因為唔算平食物。餐廳會whatsapp問要不要畫碟，叫咗三樣嘢羊架有啲薯角。呢一個最好食，薯角又香有脆，羊架軟熟。另外一個係喇沙軟殼蟹扁意粉。味道可以真係喇沙味有豆卜同魚片，但係有幾條蘆筍點綴吓不過係苦嘅，所以大打折扣，跟住叫咗個風干火腿沙律，呢個真係有啲失望，啲火腿係難食嗰隻，一啲都唔香，如果真係叫沙律建議試吓蛋同雞肉嗰個，應該唔會有甩漏😂飲左杯芒果沙冰，賣相幾好，不過唔推薦，叫咗兩件蛋糕一個係開心果味，一個係芝麻，芝麻味濃，但偏苦同較甜，開心果味冇佢咁甜，而且開心果味亦都濃，好食，蛋糕跟咗雪糕球，揀咗菠蘿同豆腐味，但係好失望因為而家好多餐廳都用現成嗰啲雪糕波，個人覺得一啲都唔好食，所以每次見到係用呢種雪糕都會唔鍾意，寧願佢用雀巢雪糕仲好啲當晚都係爆場，每一台都係慶祝咁濟，畫碟都唔係馬虎，我都有裝人哋畫咗啲咩公仔，我覺得自己揀嗰個最神似最搞笑，純粹個人意見。為咗畫碟而嚟係值得一試。服務亦都好好不停有人斟水收碟。有禮貌人手都充足。小店值得支持，希望不足之