Nonsense

Nonsense畫碟勁靚一早出晒名，今次專登嚟慶祝生日🎂 留意到幾乎枱枱都係嚟慶祝生日/週年紀念🤣餐廳有minimum charge，視乎想畫幾多隻公仔。提提大家晚市一定要提早訂位，同埋要俾deposit留位。🍚 鵝肝和牛封門柳日式煲仔飯鵝肝厚切，油香四溢；封門柳肉味濃郁但稍韌；飯底有脆卜卜飯焦，但成個飯略嫌唔夠味。🦀 炸軟殼蟹海鮮芝士咖喱鍋配烤油餅咖喱辣度適中，炸軟殼蟹酥脆香口，配拉絲芝士極邪惡；烤油餅點咖喱一流，其他海鮮質素一般。🥐 開心果三重奏拿破崙酥內餡有麻糬、開心果忌廉、開心果醬，食到三重口感。焦糖布丁味道都唔錯。重點係畫碟服務！真係靚到唔捨得食，構圖同配色睇得出有用心，可以畫指定角色，打卡一流❤️