Homeland (東昌街) (已結業)

好耐都無去大埔食嘢，今晚去咗一間高質嘅餐廳食西餐😬亦都因為天氣好熱嘅關係，我哋一入到去就叫咗四杯嘢飲，個人就覺得"閃耀"呢杯黑啤最消到暑☺️ 一啲都唔苦唔澀。一開始就上咗香烤煙肉大啡菇同埋香草牛油蒜香焗田螺，煙肉大啡菇香噴噴又多汁，而田螺有好rich嘅醬料同調味，令我哋嘅dinner有一個好開始。接住落嚟上嘅菜係澳洲黑毛安格斯西冷扒，3成熟，煎得啱啱好，而且好juicy。加埋啲薯蓉嘅襯托，簡直就係絕配。跟住上嘅係牛油果煙三文魚闊條麵，牛油果同煙三文魚嘅味道好夾，味道唔會太重，感覺健康。香煎帶子菠菜意大利飯嘅帶子好新鮮，一啲都唔腥。菠菜襯意大利飯比較少食，不過有驚喜，估唔到會咁夾。白松露雜菌芝士薄餅可能係我最鐘意嘅一碟，佢嘅白松露味好豐富，薄餅亦都唔厚，唔會有好飽嘅感覺。