囍運冰室 (鴻祥大廈)

營業中

休息中

一直都想試吓喺煙廠街嘅囍運冰室，今日終於都試到喇入到去餐廳嘅牆上面用咗好多唔同嘅霓虹燈黎裝飾，係幾特別嘅我嗌左叉燒滑蛋飯，因為唔係茶餐時間，一定要單點，不過單點就略嫌有啲貴，有啲失望既係滑蛋炒得比較老，賣相真係好一般，佢落嘅蔥都比較多，唔係咁岩我口味，叉燒亦都切得太薄身，味道無咩突出既地方另外我嗌咗全日特餐，茄汁讚岐烏冬入邊嘅牛肉完全無既，個湯嘅味道亦都唔係話太濃，無咩味，烏冬得幾啖份量好小呢！！炒蛋唔錯，都滑既，可惜好多蛋殻，扣左分，德國腸辣味比較重，可惜唔夠熱，吉列魚柳嘅皮唔會好厚，魚肉都幾滑幾有魚味，好唔錯。飲品我就嗌咗茶走，唔會好甜亦都夠熱，茶味道都夠既，杯茶走相當唔錯餐廳整體食物質素一般，侍應有時要講幾次先知道你講乜，有待改善。