牛丼家

營業中

休息中

終於黎到呢間Zeppelin Hotdog 開嘅牛丼家了！ 經濟平民價嘅牛肉丼飯！ 真係平靚正啊！由最平$26就有一個細牛丼飯，超抵食！除咗牛肉飯，仲有牛肉漢堡扒丼飯，太吸引了！見到出咗新品「辛辣牛丼」🤩一定要試吓！辛辣牛丼 牛肉非常入味，洋蔥極林加上香濃牛肉汁再搭配秘製辛辣醬，將牛肉香味更突出，食得更開胃啊！牛魔王飯和牛漢堡扒煎得好香，係鎖汁嘅牛肉，外層焦香內層肉嫩！加入牛魔王醬汁拌飯，好惹味！叫套餐平均每人消費都唔洗$70！ 簡直係大癲！而家仲有個學生優惠，只要你出示學生證，就算係30年前嘅學生證叫任何套餐都可以減$5！真係平靚正！