影片
更多
2023-01-20
623 瀏覽
跟其他中伏食評差不多，呢間店的甩甩漏漏真係嚇怕人。好少可寫咁長食評~之前在佢九龍灣分店已經試過佢漏單狀況，真係催完又催再三催四請才有得食，之前以為自己個次唔好彩，原來... ...之後有次朋友話要來利東街呢間分店食，咁個次冇甩漏，食得幾開心。今晚凍冰冰，就諗住入去開開心心食雲吞牛腩蠔油撈幼麵，結果係食到冇晒mood。個app有得揀酸蘿蔔，我揀了要，不過由頭到尾連蘿蔔皮都未見過。迷！亦懶得問，why? 因為跟店員的不斷溝通，感覺就是好疲累。首先等來我的撈麵，點解冇了蠔油？莫非老眼昏花篤app時篤錯嘢，碟嘢乾淨淨點吃？即刻叫阿姐俾啲蠔油俾我，佢非常詫異我竟然要蠔油，我亦非常詫異唔通我有錯？即刻開個app一查， 真係個廚房或傳菜出錯。見到佢拎個幾滴蠔油出來，我咁大碟麵點夠沾🙄，咪禮貌地同佢講我點的是蠔油撈麵，你哋俾漏了蠔油俾我。佢自己望吓張單，笑笑說係wor，我叫佢再加蠔油俾我，佢竟然回應：頭先又話要少少！唉😩！我鬼知貴店同閣下都咁孤寒，真的只俾幾滴💦。最後碟蠔油就只係少少咁墊過調味碟囉！我都唔想再糾纏，只想快點襯熱食個麵，點知呢個時候我發現冇匙更😩！又要叫阿姐，又要等😩。最後我等到的是一
之前在佢九龍灣分店已經試過佢漏單狀況，真係催完又催再三催四請才有得食，之前以為自己個次唔好彩，原來... ...
之後有次朋友話要來利東街呢間分店食，咁個次冇甩漏，食得幾開心。今晚凍冰冰，就諗住入去開開心心食雲吞牛腩蠔油撈幼麵，結果係食到冇晒mood。個app有得揀酸蘿蔔，我揀了要，不過由頭到尾連蘿蔔皮都未見過。迷！亦懶得問，why? 因為跟店員的不斷溝通，感覺就是好疲累。
首先等來我的撈麵，點解冇了蠔油？莫非老眼昏花篤app時篤錯嘢，碟嘢乾淨淨點吃？即刻叫阿姐俾啲蠔油俾我，佢非常詫異我竟然要蠔油，我亦非常詫異唔通我有錯？即刻開個app一查， 真係個廚房或傳菜出錯。見到佢拎個幾滴蠔油出來，我咁大碟麵點夠沾🙄，咪禮貌地同佢講我點的是蠔油撈麵，你哋俾漏了蠔油俾我。佢自己望吓張單，笑笑說係wor，我叫佢再加蠔油俾我，佢竟然回應：頭先又話要少少！
唉😩！我鬼知貴店同閣下都咁孤寒，真的只俾幾滴💦。最後碟蠔油就只係少少咁墊過調味碟囉！我都唔想再糾纏，只想快點襯熱食個麵，點知呢個時候我發現冇匙更😩！又要叫阿姐，又要等😩。最後我等到的是一隻充滿洗不掉污漬的匙更😱！是但，我OT完真係好疲憊不堪，想快啲食快啲走人。
來埋杯熱飲，心諗一陣碟油菜上面的蠔油應該夠我撈麵。可惜係我碟菜又出事 - 漏單😱！我追行過的男店員，但我表達了好幾次，佢似明非明話會跟進，都知佢唔靠譜，見隔離遲來都有得食油菜，唯有再捉住阿姐再催，呢次阿姐好似好認真，連我張單都拎走埋去了廚房。唔好開心住，情形跟九龍灣分店一樣，要繼續等到非常寂寞再催又催，碟菜先終於來了😭。
不過我已經在冇乜蠔油情況下，係等等等等的時間中用醋加湯食晒D麵同餸。早知要個湯麵唔使咁貴啦💸！
但碟菜非常細，呆眼，又係冇蠔油，乾乾的！算，我哽🤢！然後突然有店員行過又掉下一碗菜😲！Oh! 佢分開灼又分開上... ... 咩事🤔？梗係上得一半個店員就拎了碟菜出來，唯有另一半分開上囉🤪！望吓人哋，跟餐的菜是有蠔油，所以又係出錯。
最後三扒兩撥，將D菜浸晒落湯處食埋走人🤢。邊食邊同自己講，蠔油好冇益，少食為佳，清淡清淡。
牛腩 — 唔夠稔有點嚡，不過都咬得入，唔係 juicy個種。
雲吞— 好吃啊！不過車仔麵叫法只得兩粒~ 好矜貴。
湯底 — 有舊時雲吞麵店的味道。
整體味道 — 不過不失。
張貼
