影片
更多
2023-05-21
125 瀏覽
平時都係晚上食好西，難得今日同老公一齊放假，一於晏晝就去搵好嘢食。👍🏻午市廚師發辦套餐✨時令海鮮海鮮係根據每日嘅時令安排，套餐包括咗六款五款來自於鐵板之上，一款來自於廚師精心炮製。✨飛魚子他他第一道餸上枱已經令人嘩然，帶上煙燻效果，玻璃罩之內係用上奢華嘅日本飛魚子，食落較鹹身，配上柚子汁的中和，感覺清新。✨日本粒貝用上鐵盤鹽焗嘅方法更能調鮮，師傅拿捏生熟程度真係超高水準，用叉輕輕吉就已經離殼。✨日本帆立貝先要讚佢嘅拌碟做得精緻動人，用上羊肚菌魚肝鮟康醬墊底，醬汁味道好香但無蓋過帆立貝本身嘅甜，而帶子則厚肉白透。✨大蝦足足有半隻手咁長，可以一開為三，蝦肉爽甜彈牙，配上松露海膽醬更為惹味濃香！✨清酒煮地蛤湯襯上味道非常濃郁嘅舞茸菇，配以清酒，湯頭暖胃一流。地蛤厚身漲卜卜，入口漲爆。✨美國牛肉厚燒肉類有牛同豬可供選擇，小編係牛魔王，當然要試試，牛肉本身冇落過任何調味，所以可以選擇點上餐廳另配嘅昆布鹽，自家製麵豉醬或者蒜片，牛肉厚度切得合適，口感軟柔，牛味香濃。✨特色炒飯看住師傅炒嘅時候，米飯好似跳舞咁樣，上台炒得粒粒金黃，櫻花蝦味尤其突出。💡 以上套餐附送前菜、沙律、茶碗蒸、味噌湯、精美甜品
👍🏻午市廚師發辦套餐
✨時令海鮮
海鮮係根據每日嘅時令安排，套餐包括咗六款五款來自於鐵板之上，一款來自於廚師精心炮製。
✨飛魚子他他
第一道餸上枱已經令人嘩然，帶上煙燻效果，玻璃罩之內係用上奢華嘅日本飛魚子，食落較鹹身，配上柚子汁的中和，感覺清新。
✨日本粒貝
用上鐵盤鹽焗嘅方法更能調鮮，師傅拿捏生熟程度真係超高水準，用叉輕輕吉就已經離殼。
✨日本帆立貝
先要讚佢嘅拌碟做得精緻動人，用上羊肚菌魚肝鮟康醬墊底，醬汁味道好香但無蓋過帆立貝本身嘅甜，而帶子則厚肉白透。
✨大蝦
足足有半隻手咁長，可以一開為三，蝦肉爽甜彈牙，配上松露海膽醬更為惹味濃香！
✨清酒煮地蛤湯
襯上味道非常濃郁嘅舞茸菇，配以清酒，湯頭暖胃一流。地蛤厚身漲卜卜，入口漲爆。
✨美國牛肉厚燒
肉類有牛同豬可供選擇，小編係牛魔王，當然要試試，牛肉本身冇落過任何調味，所以可以選擇點上餐廳另配嘅昆布鹽，自家製麵豉醬或者蒜片，牛肉厚度切得合適，口感軟柔，牛味香濃。
✨特色炒飯
看住師傅炒嘅時候，米飯好似跳舞咁樣，上台炒得粒粒金黃，櫻花蝦味尤其突出。
💡 以上套餐附送前菜、沙律、茶碗蒸、味噌湯、精美甜品。
值得一題係佢嘅茶碗蒸，居然係蘊藏着密鋪平面嘅海膽，食落蛋香出眾，滑滑溜溜，啜一啖就入到口。
👍🏻👍🏻欣賞師傅會問咗顧客嘅鹹淡意向再加以調整
張貼
