行左一陣，經過呢間小店，望見招牌山城小麵，貌似係食重慶風味野，於是決定一試。入去坐底望下餐牌，第一個感覺係價錢十分相宜，直頭係任叫都唔洗睇價錢果隻
1
我地揀左個二人餐，都係講梗$109炸。我地選擇左招牌山城牛肉麵，紅油抄手，手拍青瓜同埋麻辣手撕雞。
青瓜同手撕雞好快就上左枱，估唔到咁平嘅價錢，份量係咁多，麻辣手撕雞十分惹味，佢香得黎唔會太辣，大大啖雞絲放入口，好過癮
而青瓜切到一粒粒，好的骰，一啖一粒啱啱好，青瓜新鮮，又甜又脆
然後就到主食喇，牛肉麵應該係呢度嘅招牌菜，我轉左麵底做刀削麵，選擇左微辣，刀削麵口感好得意，薄得黎又有咬口，個人認為係必食嘅，而湯底都好清，微辣食落一啲都唔辛苦，係麻香濃而又唔會死辣果隻，牛肉份量多，食落原來係牛腩，入味亦夠淋
而紅油抄手呢，佢個味道都好好，粒粒都好飽滿，我甚至覺得太大粒，要分三啖先食完一粒，食兩粒都夠飽了
其實佢個二人餐真係好超值，兩個人食絕對夠飽，不過食開有條癮，我地加多左個尖椒皮蛋，味道一樣咁地道，好正啊
唔好忘記，二人餐仲有飲品跟嘅，不過鋪頭姐姐推介我地試冰粉，好喇，一於試下，果然有驚喜喎
咁大個人第一次食，應該係類似透明嘅啫喱，再配上師傅調配嘅紅糖水、提子乾同埋山楂條，食完好舒服，好潤喉，跟餐唔洗加錢，原來散叫都係$10碗，好抵啊，天氣熱嘅時候，可以經過買返碗，一定可以消暑同解渴
其實食野真係唔一定食貴，親民價都可以食到好地道嘅重慶菜，係小店食，仲可以揾到份大型連鎖店無嘅人情味添
