影片
更多
2018-11-23
1391 瀏覽
之前同老公anniversary嚟食過omakase,已經覺得係香港小有既用心製作。今日老公接我放工, 就諗起哩間餐廳, 想試下 a la cart, 所以book左位再食一次。老闆娘係日本人, 之前傾計知道佢老公係香港人, 因為家族係日本做魚市場批發同飲食業, 所以決定喺香港開分店 - 旬鮮 海宝 (香港店)。由日本魚市場空運新鮮食材到香港。三月時嚟過食omakase, 老闆娘仲用緊英文同我地傾計, 今晚佢落order時已經識聽廣東話, 仲識用廣東話講笑, 好叻!料理長係叫鬼拳先生, 雖然企係廚房,但相信無論男男女女都會望佢幾眼...haha, 平時日本餐廳啲料理長邊有咁靚仔同吸晴~~今晚食左:刺身♡鯊魚心臟🦈、馬鮫魚、金槍魚、赤鯥魚、秋刀魚第一次食鯊魚心臟, 好爽口, 個汁係麻油加少少鹽, 入口爽滑金槍魚- 同出面既味道唔同, 有香甜味馬鮫魚--好肥美, 再加少少魚油香秋刀魚刺身要encore😋😋😋加魚肝製成既豉油鮟鱇魚肝甜到一個點, 我老公唔食潤, 初時佢好驚食, 但試左一啖發現似鵝肝, 即刻狂食鹽燒翻車魚腸😍 - 好爽口野味, 口感似生腸天婦羅柳葉魚--外脆內滑, 似九肚魚,
老闆娘係日本人, 之前傾計知道佢老公係香港人, 因為家族係日本做魚市場批發同飲食業, 所以決定喺香港開分店 - 旬鮮 海宝 (香港店)。由日本魚市場空運新鮮食材到香港。
三月時嚟過食omakase, 老闆娘仲用緊英文同我地傾計, 今晚佢落order時已經識聽廣東話, 仲識用廣東話講笑, 好叻!
料理長係叫鬼拳先生, 雖然企係廚房,但相信無論男男女女都會望佢幾眼...haha, 平時日本餐廳啲料理長邊有咁靚仔同吸晴~~
今晚食左:
刺身♡鯊魚心臟🦈、馬鮫魚、金槍魚、赤鯥魚、秋刀魚
第一次食鯊魚心臟, 好爽口, 個汁係麻油加少少鹽, 入口爽滑
金槍魚- 同出面既味道唔同, 有香甜味
馬鮫魚--好肥美, 再加少少魚油香
秋刀魚刺身要encore😋😋😋加魚肝製成既豉油
鮟鱇魚肝甜到一個點, 我老公唔食潤, 初時佢好驚食, 但試左一啖發現似鵝肝, 即刻狂食
鹽燒翻車魚腸😍 - 好爽口野味, 口感似生腸
天婦羅柳葉魚--外脆內滑, 似九肚魚, 但外皮比平時食脆啲
仲有支"純愛"sake🍶, 老闆娘介紹, 比平時啲sake甜少少, 但sake味都好濃, 最啱我哩啲鍾意甜甜地容易入口,但又想飲酒既人
嚟緊聖誕節, 又可以約班姊妹嚟食Xmas dinner, 有間房仔privacy高啲又唔會嘈到人。
題外話/補充資料：
如果想有VIP房, 就早啲打電話嚟book。
另外, 依家好似有個promotion, 9點後入座, 有特別餐+酒free-flow…
(以上食評乃用戶個人意見 , 並不代表OpenRice之觀點。)
張貼
