影片
更多
2021-12-17
1020 瀏覽
之前有朋友講過佢嘅手工意粉好好食，睇完網上嘅評價之後，都有猶豫過，但咁岩今日行開尖沙咀，就即管入去試一次，結果居然令我有好大既反差咁。餐包：今次分別有番茄包同提子合桃包，兩款手製包嘅口感都十分紮實煙韌，前者好有驚喜，內裏佈滿番茄乾粒同埋香料，混合而成嘅感覺好有田園風味；提子包黑糖底帶甜味，有為數不少嘅提子乾，越嚼越香口。飲品方面都係以經典款着手：先來一杯Mojito，常駐cocktail款式，飲落無外間咁清淡，除Rum、檸檬、同薄荷味相互配合外，當中庶糖甜絲絲嘅口感都幾出，令一貫新鮮中帶點獨特。另外叫咗一杯Strawberry Daiquiri，同樣係Rum底，賣相十分igable，特別適合女士。飲落因為配搭上新鮮士多啤梨，口味寧捨鮮甜清新，仲有啲果籽口感，再加上少許糖漿，酒精味道相對較淡，一啖又一啖好快就飲完～另外，因為佢係沙冰底，飲嗰陣能夠確保由頭到尾嘅口味都相同。前菜：一口份量嘅日本芝士釀撻配煙三文魚，撻皮酥脆鬆化，但又唔會跌到周圍都係碎，三文魚同芝士嘅味道就好似與生俱來咁配合。流心蟹黃義大利雲吞：賣相好精緻，內裏包裹住鹹蛋黃、蟹肉、蟹黃、帕馬森芝士，另外再用上雞湯，牛油，仲有啲
餐包：
今次分別有番茄包同提子合桃包，兩款手製包嘅口感都十分紮實煙韌，前者好有驚喜，內裏佈滿番茄乾粒同埋香料，混合而成嘅感覺好有田園風味；提子包黑糖底帶甜味，有為數不少嘅提子乾，越嚼越香口。
飲品方面都係以經典款着手：
先來一杯Mojito，常駐cocktail款式，飲落無外間咁清淡，除Rum、檸檬、同薄荷味相互配合外，當中庶糖甜絲絲嘅口感都幾出，令一貫新鮮中帶點獨特。
另外叫咗一杯Strawberry Daiquiri，同樣係Rum底，賣相十分igable，特別適合女士。飲落因為配搭上新鮮士多啤梨，口味寧捨鮮甜清新，仲有啲果籽口感，再加上少許糖漿，酒精味道相對較淡，一啖又一啖好快就飲完～另外，因為佢係沙冰底，飲嗰陣能夠確保由頭到尾嘅口味都相同。
前菜：
一口份量嘅日本芝士釀撻配煙三文魚，撻皮酥脆鬆化，但又唔會跌到周圍都係碎，三文魚同芝士嘅味道就好似與生俱來咁配合。
流心蟹黃義大利雲吞：
賣相好精緻，內裏包裹住鹹蛋黃、蟹肉、蟹黃、帕馬森芝士，另外再用上雞湯，牛油，仲有啲乾蔥碎燴咗個醬汁，非常濃郁。一切開，餡料漫溢流出，特別欣賞佢雖然細份但設計得一點都唔馬虎，食落仲有好多層次同滿滿拉絲感，十分creamy，絕對係誠意之作，推薦！
日式醬油漬糖心蛋黃多士：
可以算係全餐亮點，帶比味蕾終極享受。兩片多士㶥得乾脆，中間夾住三粒用醬油醃製咗一日嘅太陽卵作為餡料，貌似流心但食落口感唔會爆漿，非常入味又唔會過鹹。另外面頭塗上黑松露混意大利軟芝士整成嘅醬，再配埋適量嘅魚子醬，矜貴得來富有特色，好香口又處理得細膩，大推薦！
主菜：
餐廳推薦一嘗雞白湯手打意粉，廚師選用新鮮本地三黃雞，以慢煮方式保持雞肉厚身嫩滑，面頭嘅雞皮部分再額外香煎，製作盡現用心。汁醬部份，同樣用上原隻雞汁，再加入牛油烹煮至稠身，食落特別濃郁香醇，配搭手造麵，咬口十足且香氣四溢，估唔到白肉都可以做到咁豐厚嘅味道，非常有驚喜👍🏻
另一樣叫咗海鮮款—慢煮龍躉腩配上花膠、竹笙、同海鮮。廚師選用魚腩嘅部份令菜式零舍厚身有口感，特別欣賞魚皮嘅部份處理得好乾淨，原片放入口覺得好有嚼頭。湯汁方面用咗蟲草花同海鮮熬製而成，當中仲包含不少花膠，竹笙，同埋蜆肉，鮮味香濃。食緊嘅過程經已覺得膠原十足，食完仲即刻覺得有點滋補同埋美顏作用～唯一可恨係啲汁有點鹹，但以魚肉沾醬來食就剛好了👍🏻
最後當然要食埋甜品先圓滿，今次揀咗法式檸檬撻。廚師製作用上空運意大利檸檬，撻皮牛油味好出，內裏酸甜細滑，旁邊仲有啲用蛋白打成嘅泡沫，然後再用火槍燒過嘅蛋白醬，唔單止睇得，好似裝飾咁，仲可以用來中和個撻嘅酸味，即刻大大減低全餐嘅膩感，完美作結～
張貼
