六游

中環嘉咸街既「六游✨」，絕對係一間隱世美食小店，店舖位處旺中帶靜既一樓位置，餐廳主打招牌上海麵，精彩在於自家制濃郁湯底，湯底超級濃郁，麵條軟硬適中有口感，材料精緻好味，雖然款式選擇有限，但係每款精心制作，絕對令人驚喜。

🍜 蝦湯手打上海麵
一上枱已經聞到陣陣蝦香，湯底濃郁好味，手打麵條口感一流，唔會太腍亦唔會太硬，啱啱好！每啖都食得出心機💯。

🦑 海鮮湯上海幼麵
呢碗係必點推介，海鮮湯一啖上癮，自家熬制，絕無味精，入面有蝦、魷魚片、木耳等，湯底鮮甜得嚟又唔會太鹹，幼麵吸晒湯汁，食落好有層次感，湯底最後飲曬👍。

🌶️ 麻辣凍蜆
蜆肉爽口，輕輕麻辣味道剛好，唔會搶左蜆肉鮮味，食完仲想encore🔥！

「六游」雖然款式唔多，但每款都係精心制作，真係一食難忘，價錢合理，環境舒服，係一間值得回頭嘅小店💖。

2