食包 (已結業)

肥C9覓食記《Winner Burger》早兩日同老公🐸無無聊去太子寵物街行下睇下狗仔☺️發現而家大多數都係買緊最受歡迎嘅柴犬，而我哋鍾意既八哥已經冇乜人買啦🥲🥲之後再周圍行吓行吓，俾我哋發現呢間Winner Burger🤭其實C9我最鍾意食漢堡包，但係除咗M字頭既漢堡包之外，我都好少會喺朋友面前食漢堡包，因為通常啲burger都好多料疊到好高要識得有儀態都有難道😂但係唔夠多料又唔過癮喎！呢間餐廳款式好新穎好多選擇，淨係漢堡包都有八款口味，小食更加有成十款😋我哋兩個人見到Menu咁豐富都叫咗兩個漢堡包三個小食兩罐飲品！第一次嚟梗係叫一個必點而且間間都有嘅經典牛肉漢堡！咁先至食得出每間漢堡包店嘅分別☺️而另外我哋點左黑松露煙肉牛堡，兩款漢堡包都係好Juicy! 一路食啲汁一路滴，而且塊牛都係即點即煎，剛剛好熟又保持到肉汁，好抵讚👍🏻另外小食我哋點左比較少有嘅蕃薯條、香草藍芝士薯寶同埋水牛城雞翼，我最欣賞佢哋嘅蕃薯條冇炸過龍！脆得黎吾乾，又食到濃濃既蕃薯味😋😋Yumyum雖然餐廳唔大，但食物應有盡有。下次經過嘅朋友仔都可以入去試吓！