龍朝牛雜牛腩專門店

營業中

休息中

今日真係好多野做，仲要去元朗銀行處理事情，攪攪下個lunch 三點先有時間去食。肚餓到打鼓，呢啲環境，最好選擇緊係走唔甩河粉麵。一來快靚正，二來我一向最鍾意食，尤其是牛腩河。見到呢間「龍朝牛雜牛腩專門店」，係門口未入鋪頭，已經比佢啲牛腩香味吸引住，唔使諗就食佢。坐低睇完餐牌，一心諗住食佢個「金牌崩沙腩」，點知 …… 可惜真係太受歡迎，一早沽淸了。心諗唯有退而求其次食「牛魔王河粉」（$48），可轉套餐包一碟油菜及一杯冷熱飲品（只需加$14）。原來「牛魔王河」是消量第一，果然真係有原因嘅，河粉夠滑溜，牛腩牛肚甘香可口又入味，仲配有牛腸、牛肺、牛膀及牛筋，全部炆得剛好。最正係碗河粉有蘿蔔。跟餐碟油菜都份量足，我今日食蠓油芥蘭，烚得啱啱好，非常嫩脆，配埋杯凍奶茶，十分爽皮皮。真心覺得非常扺食！其間見到個煮麵師傅雖然做到冇停手，但佢仍面帶笑容同每個客人道謝和說再見，深深感受到佢真很熟愛自己的工作，呢種敬業樂業精神十分難得。