八拾台式火鍋燒烤放題

營業中

休息中

約朋友去旺角創興搵食，地下好多派傳單，睇中一樓新開台式火鍋放題，餐廳簡潔明亮， 先點湯底再點肥牛和豬肉片，其他火鍋配料都放自助區任取任食。自助區食物選擇好豐富，海鮮都有很多選擇，有蝦、生蠔、鯇魚、蟶子仔、蜆、八爪魚、水魷魚。豬大腸、豬肚、豬粉腸、鵝腸、雞子等，任食火鍋比較少見。仲有牛柏葉，多種丸類腸類，一尺長蟹柳非食不可。當然唔少得多款新鮮蔬菜翠綠鮮甜，還有菇菌類，豆品類。放題飲品啤酒汽水全部任飲，單係啤酒已接近十款，罐裝飲品選擇更加多。小食區有多款開胃前菜，更有時令生果荔枝供應，仲有小龍蝦，炸香蕉，鮮奶春卷。由湯底，火鍋配料以至小食飲品味道質素都好，火鍋放題有咁多選擇的確驚喜。