仙后餐廳 (裝修中)

星期六同老公去灣仔仙后餐廳食生日lunch，想食呢間好耐啦。今次食既係Restaurant Week既menu，$248+1。餐前麵包有兩款，一種係健康包，另一種係軟熟嘅餐包，仲可以refill。凱撒沙律，慢煮雞，銀魚柳，脆包粒沙律菜新鮮爽脆，雞肉嫩滑，唔錯。是拉差扒大蝦，紅辣椒芒果莎莎，芫荽味道辣辣地，大蝦同芒果一齊食多左甜嘅味道，好食。是日餐湯係南瓜湯，好飲。香焗麵豉三文魚，三味茴香，孜然籽，叼草油三文魚非常嫩滑。香煎脆雞腿，油封香橙苦白菜，露絲瑪莉馬鈴薯以雞腿卷嘅形式呈上，雞肉唔鞋。黑糖黃豆粉雪糕，燴士多啤梨，焙茶奶油醬黃豆粉雪糕幾特別，有一層好似係芝麻糕嘅嘢，下面有士多啤梨粒，配以焙茶醬。山核桃香蕉蛋糕，桂花，零陵香豆雪糕生日可以寫生日字句，外面有一層脆脆地嘅合桃朱古力脆皮，入面包住綿綿既香蕉，幾好食。