泰屋 (已搬遷) 新店位置

今日有個朋友生日,我哋諗左好耐都唔知食咩好,諗起倫敦廣場有好多食市,咁就去咗果到,睇吓睇吓見到有間泰國菜,原來這間餐廳有生日優惠,當天生日者有全單85折,我哋一班朋友就去咗食泰國菜,記得之前食過Lunch,原來食晚飯都ok,環境好好,因為唔太嘈,仲有wi-fi我哋叫咗咖喱蟹,味道正,好多汁,加埋印度烤飽仲正,叫咗個原個南瓜飯味道甜甜哋,都幾得意,金柚沙律唔酸都ok,炭燒豬頸肉真係燒得唔錯,叫咗碟生蝦刺身,1碟有8隻,都幾新鮮,食哂想叫多碟都賣哂,叫咗碟咸魚炒芥蘭,味道咸咗d,甜品叫咗個芒果糯米飯,四式甜品,芒果唔酸ok,千層糕好味!