金蘭花泰國菜 (已結業)

上年就唔記得阿媽生日，錯咗唔緊要，最重要係要知錯能改。今年就特登提咗自己要同阿媽慶祝生日，所以已經預早Book枱。其實唸要食咩都幾難，老人家唔係咩都鐘意食。不過我唸泰國嘢應該就無咩所謂。訂枱仲講明係慶祝生日，訂埋佢地個芒果糯米飯生日蛋糕。味道都唔錯，感覺都幾正宗。我覺得有幾款菜都幾有特色，例如醃媽媽海鮮麵，臭草煎蛋。最後個生日蛋糕上枱果時阿媽都覺得幾驚喜，芒果擺成一朵花咁，好靚。餐廳環境都有啲似泰國當地嘅餐廳，幾地道。