影片
更多
2009-02-01
15 瀏覽
尋日生日老婆比錢食飯，於是黎豪一豪。主要見大家都讚個杏汁白肺湯，當然預訂左先啦。黎到環境唔使講，酒店中菜廳，檯一定唔會迫，坐係水池旁，未食都享受緊。湯黎啦，好香杏仁味，湯係奶白色，飲啖杏汁味唔太濃，剛剛好，因為其實本身唔太喜歡杏仁陣味，湯好甜，白肺洗得好乾凈，無異味好正，d湯渣有豬肉豬肺仲有雞腳都霖晒，連渣都食埋，兩個人分到每人兩碗，不多不少剛好。除左個湯，叫左半隻貴妃雞、一個菠蘿咕嚕肉、兩隻鮑汁鵝掌同埋生炒糯米飯，除左碟雞麻麻外，其他都好味，咕嚕肉食食下凍左就無咁脆。鵝掌好霖鮑汁又濃，碟生炒糯米飯真係粒粒飯唔癡埋既，臘味又多，好正。因為屋企無printer印唔到開飯張優惠券，於是用匯豐白金找數，有85折，最後埋單$500連小費，唔算貴啦係酒店食，服務亦非常好，下次會再黎飲個啖白肺湯。未試過比咁高分，如果隻雞好味d我比埋滿分添。
除左個湯，叫左半隻貴妃雞、一個菠蘿咕嚕肉、兩隻鮑汁鵝掌同埋生炒糯米飯，除左碟雞麻麻外，其他都好味，咕嚕肉食食下凍左就無咁脆。鵝掌好霖鮑汁又濃，碟生炒糯米飯真係粒粒飯唔癡埋既，臘味又多，好正。
因為屋企無printer印唔到開飯張優惠券，於是用匯豐白金找數，有85折，最後埋單$500連小費，唔算貴啦係酒店食，服務亦非常好，下次會再黎飲個啖白肺湯。
未試過比咁高分，如果隻雞好味d我比埋滿分添。
張貼
