映月樓

營業中

休息中

生日嗰陣屋企人想同我食中菜，咁我就揀左係尖沙咀文化中心既映月樓，就喺尖沙咀地鐵站同埋天星碼頭隔黎，好方便～間餐廳正正面對住維港海景，一邊望住靚到爆嘅海景，一邊同啲親朋好友歎美食，嗰個氛圍感即刻滿曬，儀式感爆棚！餐廳環境又超舒適，最啱生日呢啲重要時刻同啲親朋好友相聚～呢度主打粵菜，粵式點心真係冇得彈。每一道菜都係大師級廚師團隊用當季新鮮食材用心炮製嘅。今次食左筍尖鮮蝦餃，算係我呢排食過好唔錯既蝦餃，外皮晶瑩剔透，入面包住大大粒彈牙嘅鮮蝦，一啖咬落去，好鮮味～仲有推介南瓜蒸排骨，又軟又嫩，豆豉嘅香味完全滲入肉裡面，好入味！仲有嗌左蟹籽蒸燒賣、山竹牛肉球、香茜牛肉腸粉，最後超級推介芝麻卷！唔係普通既芝麻卷！食落口好滑好煙靭！啲芝麻味超級香！鍾意食芝麻既就一定要嗌！最後想讚下餐廳啲哥哥姐姐，佢地服務仲好熱情好貼心，知我肚餓我幫我手一次過起哂啲菜🥹