影片
更多
2015-05-27
830 瀏覽
今日阿哥生日，就去彩逸食晚餐，之前都食過兩次，唔錯，好過稻香，哈哈~~今日平日星期三，所以唔洗等位，walk in 入去都得。如果星期六日係勁多人有排等，之前開頭開張果幾日真係多到人爆炸，同埋果陣時中午落單，係d侍應姐姐忙到應唔到你機。依家就好d,佢開埋火鍋區，飲茶舒服好多。=====================至於晚餐都唔差，上菜速度快。應該咁講，叫餐係快過散叫。今次叫左888蚊套餐，包加一，有啤酒同一jar橙汁。有龍蝦伊麵(完整完隻開邊上，真心你係其他地方碎上，仲要好少肉)，湯(老火湯，忘記名)，津白(比較賣相差左d，同埋普通)，陳皮蒸鮑魚(有殼果隻)，魚(ok大條)，半隻雞(雞皮超脆，雞肉唔鞋)，甜品芒果糯米卷(外層糯米皮，內層你芒果布甸，有芒果肉)另散叫妙齡乳豬(豬皮脆卜卜)同埋蛋白瑤柱炒飯。咁就13xx蚊。不過個套餐好似貴左d.服務非常好，部長反應快，食物好，不得不讚，叫個炒飯，唔洗等10分鐘就到。進步左好多。
之前都食過兩次，唔錯，好過稻香，
哈哈~~
今日平日星期三，所以唔洗等位，
walk in 入去都得。
如果星期六日係勁多人有排等，
之前開頭開張果幾日真係多到人爆炸，
同埋果陣時中午落單，
係d侍應姐姐忙到應唔到你機。
依家就好d,佢開埋火鍋區，飲茶舒服好多。
=====================
至於晚餐都唔差，上菜速度快。
應該咁講，叫餐係快過散叫。
今次叫左888蚊套餐，包加一，
有啤酒同一jar橙汁。
有龍蝦伊麵(完整完隻開邊上，真心你係其他地方碎上，仲要好少肉)，
湯(老火湯，忘記名)，
津白(比較賣相差左d，同埋普通)，
陳皮蒸鮑魚(有殼果隻)，
魚(ok大條)，半隻雞(雞皮超脆，雞肉唔鞋)，甜品芒果糯米卷(外層糯米皮，內層你芒果布甸，有芒果肉)
另散叫妙齡乳豬(豬皮脆卜卜)同埋蛋白瑤柱炒飯。
咁就13xx蚊。不過個套餐好似貴左d.
服務非常好，部長反應快，食物好，不得不讚，叫個炒飯，唔洗等10分鐘就到。
進步左好多。
張貼
