有d出左名既仲越來越貴
老公生日，已經花費唔少，
所以朋友就介紹左呢間平靚正既放題比我
係兆萬8樓，去到3樓轉電梯，好方便
二百令蚊，記得預約，有小驚喜架！
坐位黎講都可以接受
雖然地方唔大，但係都唔會話坐得太迫
旁邊仲有d四人卡位，今次就無緣坐到lu！
飲品係比較入既位置，自己出去拎！
有啤酒🍻有汽水、果汁同烏龍茶
選擇都算係咁啦！
食放題最慘係食天婦羅要沙律醬，但係叫極都無侍應拎比你！
呢到就夠哂聰明，一早放定先，唔駛客人下下都要叫！
食物選擇多，其本上想食既都會有！
但係特別d既就係訂座送既刺身或者蠔！
刺身呢，侍應好好，一坐底就會提我地快d叫，然後又真係好快到
不得不提，呢到既服務唔錯，雖然做放題忙到死係常識，但係呢到d侍應無黑面，野食未到又會盡力幫手跟，唔會食到把鬼火！後生仔女黎講算係咁！
食放題必食刺身，是常識吧！
拼盤放得靚，蝦既種類好多
但我最
都係食象拔蚌，好爽甜蟹棒係真蟹棒，三文魚都係比腩位，好肥美！
送既海膽同生蠔都係有質素既
仲要有蟹鉗食添
拖羅蓉唔係到到都有得食
呢到就好唔錯，紫菜仲係脆既，亦都好夠料，唔係得舊飯咁！
食放題點少得d炸物啊！
炸榴連係我最愛之一，同老公一人一半，無咁多罪惡感
炸香蕉又估唔到佢幾好食wor！
燒菠蘿係我另一樣放題最愛
燒菠蘿就最緊要熱辣辣同埋夠甜！
呢到就兩樣都有喇
食放題食得多野就好快飽
菠蘿就可以中和下
所以係必點既
呢到仲有唔少熱食
清酒煮蜆，清清地
最重要係無沙
食多d都唔怕太飽
芝士扇貝同帶子
超多芝士，好入味
仲有瑞士雞翼，唔算太入味，不過都夠淋
重點係瑞士雞翼隔離個碟韓式一口芝士
隻芝士勁香，又炸到卜卜脆
好邪惡
真心已經食到超飽
甜品食返d清d既，有豆腐花食，yeah
臨走仲有驚喜！
因為有訂座，每人可以揀一條高級雪條
任食個d就只有維他朱古力條，雪糕杯同糯米滋!
一分錢一分貨，呢到就可以用優惠既價錢食到放題，平時工作辛苦，梗係要對自己好d啦
