神戶屋日韓放題

營業中

休息中

朋友生日去咗呢間食日式放題，幾建議大家升級，包含日本生蠔、松葉蟹爪刺身、磯煮冷鮑魚、雞泡魚乾、醬油蝦、汁燒鰻魚串、海膽軍艦等，全部任飲任食，生蠔大粒飽滿，海鮮同刺身新鮮且鮮甜，呢個價錢性價比高。火灸都唔錯，微微燒過，淡淡香氣，而且飯唔算好大塊。鍋物有好多選擇，花膠雞、麻辣雞煲、多款湯底口味，蒸氣海鮮出面比較少見，等15分鐘就食得，扇貝、生蠔、花甲、青口、時蔬，已調好味道，想再鹹啲可以去出邊自助區調配醬汁，另外亦可以自己再蒸唔同嘢食或者打邊爐。私心推介呢度嘅炸物，即叫即整要等20分鐘，如果好似我哋咁樣樣少少嘅話，就會變咗拼盤咁樣上，賣相一流，食慾大開，炸物炸至酥脆可口，唔油膩，仲有五款醬汁可以點。小食方面同樣出色，最鍾意鹹蛋蝦，味道突出且爽口彈牙，蒜蓉金菇超級入味，最後留肚食埋雪糕就差唔多啦。