南角

營業中

休息中

而家屯馬綫開通去九龍城方便咗好多 趁放假就去咗九龍城呢間Cafe食嘢🙌🏻睇返資料先知，原來係由舊樓重建，店主特登保留咗好多特色建築。無論係環境設計定係菜式都有特登加入好多本土元素，值得支持😆佢最出名係佢嘅腐乳意粉，意粉食得出係手工意粉，腐乳係九龍城出名嘅豆製店嘅出品，面頭仲加咗好多炒香左嘅蝦米，食落好香口👍🏻腐乳同意粉呢個配搭本身聽落好似好唔夾，但係食落居然又幾match🤣會令人一啖又一啖繼續食落去。唯一美中不足係佢嘅帶子上到嚟嘅時候有啲凍🥲另一個必試嘅係佢嘅西多士，佢表面有一層好脆嘅焦糖，係平時食creme brulee面頭嗰層焦糖脆脆，極度邪惡👿一咬落去外脆內軟🤤🤤加埋佢啲雪糕同埋cream一齊食就啱啱好！嘢飲叫咗班蘭咖啡，飲落有淡淡嘅椰香味❣️