影片
更多
2022-01-06
2650 瀏覽
今日黎到一直bookmark左好耐既打卡Cafe。Cafe裝修好花心思，一入到去好似走入左花海咁，四周都有唔同既花，而且餐廳會因應季節變換唔同既花種，連牆壁都係花牆，餐枱入面都放左唔同既花，真係超岩打卡📸️餐牌上面有甜點、鹹點同小食可以選擇，而且甜品同飲品質素相當高，黎到當然要飲哩到既招牌打印咖啡/朱古力啦💕我同朋友就一人一杯，再叫多兩個甜品。🍰是日蛋糕 $48有芒果拿破崙、香蕉朱古力蛋糕、摩卡忌廉蛋糕同埋蘋果批可以選擇，我地就揀左芒果拿破崙。估唔到個拿破崙都幾大舊，$48性價比好高！而且個擺盤好靚，四周放左花瓣碎同楓糖漿，好啱打卡📸️ 拿破崙既酥皮入口香脆，好香牛油味，裏面既吉士醬質感有啲似布丁，芒果味亦非常突出，仲有好多芒果果肉，好食推介👍🏻 🧇Spring春之waffle $88窩夫上面有開半既焦糖香蕉同五粒淋上朱古力醬既棉花糖。窩夫外脆內軟，烤過既棉花糖特別綿軟，香蕉亦夠熟，上面仲有一層硬身既焦糖，所以入口特別香甜，將窩夫配埋棉花糖同香蕉一齊放入口，真係非常滿足。✨打印咖啡/朱古力係哩到既一大賣點，只要將想打印既相AirDrop俾店員，就可以係咖啡或者朱古力上面打印相片，出到黎既效
餐牌上面有甜點、鹹點同小食可以選擇，而且甜品同飲品質素相當高，黎到當然要飲哩到既招牌打印咖啡/朱古力啦💕我同朋友就一人一杯，再叫多兩個甜品。
🍰是日蛋糕 $48
有芒果拿破崙、香蕉朱古力蛋糕、摩卡忌廉蛋糕同埋蘋果批可以選擇，我地就揀左芒果拿破崙。
估唔到個拿破崙都幾大舊，$48性價比好高！而且個擺盤好靚，四周放左花瓣碎同楓糖漿，好啱打卡📸️ 拿破崙既酥皮入口香脆，好香牛油味，裏面既吉士醬質感有啲似布丁，芒果味亦非常突出，仲有好多芒果果肉，好食推介👍🏻
🧇Spring春之waffle $88
窩夫上面有開半既焦糖香蕉同五粒淋上朱古力醬既棉花糖。窩夫外脆內軟，烤過既棉花糖特別綿軟，香蕉亦夠熟，上面仲有一層硬身既焦糖，所以入口特別香甜，將窩夫配埋棉花糖同香蕉一齊放入口，真係非常滿足。
✨打印咖啡/朱古力係哩到既一大賣點，只要將想打印既相AirDrop俾店員，就可以係咖啡或者朱古力上面打印相片，出到黎既效果真係勁靚😆今次我就打印左自己little.thinkkk既logo同朋友既狗仔，真係超得意，影左好耐相🤣
🍫榛子朱古力 $40
朱古力味道香濃，入口有淡淡的榛子香，亦相當順滑。
🍫百利甜酒朱古力 $47
百利甜酒既味道非常突出，但係酒味唔會好濃，配搭埋朱古力，非常容易入口，味道亦更為香醇。
整體黎講，Cafe環境真係勁靚，而且食物質素相當高，打印咖啡亦非常有賣點，如果想比驚喜朋友或者另一半，絕對可以帶佢過黎試下。
張貼
