影片
更多
2006-12-09
9 瀏覽
自從去過台北永康街之後,的確愛上呢種隱蔽式餐廳風格同氣氛,香港要搵一間類似既餐廳,sweet 19還算合格。由於樓宇剛有搭棚工程進行,而家外觀無quayteow小姐所影既相咁靚。第一眼吸引到我當然就係門口個餅櫃!!星期六下晝餐廳相當熱鬧,所以閒適、寧靜感覺欠奉;環境尚可但檯椅擺放稍嫌密左少少。菠菜忌廉湯質感好滑味道適中,湯入面有唔少菠菜茸,由於餐湯頗杰身,飲左之後都有半飽感覺;跟湯法包烘得脆身,只係麵包比湯早送到,當有湯飲時,麵包已經凍左,如果時間可以配合一下會更好。石斑肉長通粉份量唔多,不過煮得相當好,口感好煙靱!魚肉有幾塊,肉質實淨味道唔腥;配菜有鮮冬菇、西蘭花、椰菜花同四季豆,每樣都好新鮮,只嫌份量太少;唯一唔好係個汁較咸,美中不足。甜品係朱古力蛋糕,之前見鄰檯客人都食剩,對其期望唔大,點知呢件似係brownie多d,質感濕濕地但唔係立口,朱古力味道好濃郁,配合餅上一片硬朱古力一齊食,我個人覺得好味。我揀左Cappuccino,因為見到個杯好大隻!!我都係第一次用湯碗咁大隻杯飲咖啡,好得意!!咖啡味好香,可以再濃少少更好,飲完唔會有口酸感覺,奶泡打得好綿密而且夠滑,有水準!!服務
由於樓宇剛有搭棚工程進行,而家外觀無quayteow小姐所影既相咁靚。第一眼吸引到我當然就係門口個餅櫃!!星期六下晝餐廳相當熱鬧,所以閒適、寧靜感覺欠奉;環境尚可但檯椅擺放稍嫌密左少少。
菠菜忌廉湯質感好滑味道適中,湯入面有唔少菠菜茸,由於餐湯頗杰身,飲左之後都有半飽感覺;跟湯法包烘得脆身,只係麵包比湯早送到,當有湯飲時,麵包已經凍左,如果時間可以配合一下會更好。
石斑肉長通粉份量唔多,不過煮得相當好,口感好煙靱!魚肉有幾塊,肉質實淨味道唔腥;配菜有鮮冬菇、西蘭花、椰菜花同四季豆,每樣都好新鮮,只嫌份量太少;唯一唔好係個汁較咸,美中不足。
甜品係朱古力蛋糕,之前見鄰檯客人都食剩,對其期望唔大,點知呢件似係brownie多d,質感濕濕地但唔係立口,朱古力味道好濃郁,配合餅上一片硬朱古力一齊食,我個人覺得好味。
我揀左Cappuccino,因為見到個杯好大隻!!我都係第一次用湯碗咁大隻杯飲咖啡,好得意!!咖啡味好香,可以再濃少少更好,飲完唔會有口酸感覺,奶泡打得好綿密而且夠滑,有水準!!
服務方面幾位男侍應都好勤快,只係語氣/態度似普通餐廳水準多d;雖然呢度未達我心目中目標,但還算可以,不失為聚會好地方。
張貼
