入到去先發現無下午茶餐，剩做午餐同散叫，同事叫左午餐set有麵/飯包$8或以下小食一款，加$11有餐飲，我自己唔肚餓就散叫左一碟甜不辣同凍飲蜜桃茶少冰。同事覺得佢個份餐都正正常常，不過我哋兩個見到份甜不辣就呆左⋯⋯如圖所見，一整碟「甜不辣」係一堆切片炸左既花枝丸，我忍唔住再問左舖面既伙記碟花枝丸片係咪就係佢地既甜不辣，伙記確實答「係」⋯
我只能講一個字：服（伏）！
其實個頭附近好少餐廳，可能質素好唔好都有生意啦，不過喺香港呢個飲食天堂開得舖，都希望有番基本質素，而且碟細過手掌既「甜不辣」價值$28，無論交出嚟既食物同份量都令我有入左🖤店既感覺。
