Plato Cafe & Bistro (Mikiki)

今晚同朋友去咗一間餐廳試咗兩個晚市套餐，真係幾有驚喜！首先講吓晚市西班牙海鮮飯set真係幾正，飯粒煮得啱啱好，海鮮份量都算足，蝦同青口都好新鮮，食落去鮮味十足。跟餐嘅蘑菇湯唔使加錢，但一啲都唔馬虎，味道濃郁，飲落去暖笠笠，好舒服。至於個香蕉朱古力奶昔，甜度適中，香蕉同朱古力嘅味道平衡得幾好，飲完唔會覺得膩。最後個BBQ醬雞翼，燒得香口，醬汁惹味，食完真係想再encore！另外仲叫左燒黃油春雞set，皮脆肉嫩，黃油香味滲入雞肉，每一啖都好juicy。法式蟹肉龍蝦湯雖然要加錢，但絕對值得，湯底濃郁，蟹肉同龍蝦嘅鮮味完全融入湯中，飲一啖已經覺得好滿足。熱玫瑰朱古力好特別，玫瑰香味同朱古力嘅濃郁完美結合，飲落去好暖胃。日式天婦魷魚炸得酥脆，本身已經有啲椒鹽粉，好好味。最後嘅自家製開心果麻糬提拉米蘇，口感層次豐富，開心果香味突出，麻糬嘅軟糯同提拉米蘇嘅綿密結合得好好👍🏻👍🏻👍🏻