熺會館

營業中

休息中

今日系爸爸嘅生日🎂咁我哋一家人就一齊去咗尖沙咀熺會館同爸爸慶祝生日！侍應見我地好多人，侍應好細心安排咗一張大嘅圓枱俾我哋八個人一齊坐！環境非常之闊落亦都坐得好舒服！☺️我哋坐低左之後就開始嗌嘢食，包括有：我哋食咗個熺會鳳尾蝦多士🦐，蝦非常之大隻彈牙，仲要原隻蝦放係多士上面，賣相非常之靚！而多士亦炸得好香脆，同埋啲黑松露一齊食味道非常之濃郁可口！之後我哋再試咗個椒鹽一口豆腐！同樣都係炸得非常之香脆！豆腐外脆內軟，滑嘟嘟好易入口！😊食完香口嘢之後，我哋就落湯底啦！我哋就叫咗個鴛鴦火鍋🫕有呢個川式麻辣鍋同埋蕃茄薯仔牛腩鍋！兩個湯底嘅味道非常之濃郁！亦都好鮮甜！我哋叫咗好多火鍋配料！每樣食物都非常新鮮！當中最讚口不絕嘅係潮汕牛丸！牛丸好大粒！🧆每粒都有香濃嘅牛肉味！食得出係用好新鮮嘅牛去打出嚟！擺落個湯底度，牛丸索晒啲湯底精華，非常之好食！鮮雞子亦都非常之肥美！每粒都好嫩滑，好好食😋仲有個養顏花膠，佢非常之爽滑彈牙，我哋都食到流晒口水！爸爸都好滿意今次嘅生日飯！