老爹 (已結業)

難得收5點，行左陣利東街影燈飾就過左附近嘅老爹食晚餐。喺QRE Plaza 9樓，睇佢雅致嘅裝修，悠靜格調，真係估唔到佢嘅價錢都咁貼地，一啲都唔貴，職員服務仲好好！鮮茄海鮮意大利飯（$148配餐包餐湯餐茶），有大大粒帶子，爽口大蝦同炸魚柳，配上茄汁，醒胃好味👍餐湯無論係紅湯白湯都好足料，餐包係香脆蒜蓉包美國一級牛柳（$138），肉汁豐富，牛味香濃，肉質不un...唔洗點汁都已經係味覺享受😋😋😋香草比目魚刁忌廉汁意粉（$118），比目魚煎得金黃賣相吸油，食落有魚油香，唔錯由於份量都認真唔少，最後叫左蜂蜜綠茶同茉莉綠茶消下濟，滿足😁