鞍山茶座

今日要約有幾個朋友去傾嘢, 就揀咗呢間睇落幾闊落既鞍山茶座. 我地揀咗張大枱坐.
阿姐都幾好禮貌,  耐心等我地幾個點嘢食.
我地叫咗: 蔥油厚切豬扒蛋飯菠蘿海鮮炒飯沙嗲肉片炒河.試吓茶餐廳D基本嘢.
唔洗10分鐘內已齊晒所叫食物, 好快手做起喎!
呢個蔥油厚切豬扒蛋飯, 堅厚切! 真係唔止1cm! 食落肉感很好! 一D都唔梅! 質素超高! 加上 蔥油, 飯香! 仲要成兩隻蛋! 食完十分滿足!

1

厚切蔥油豬扒蛋飯

$52

朋友叫既菠蘿海鮮炒飯, 勁大碟! 有蝦、菠蘿、魷魚、蟹柳,  粒粒飯香! 碟炒飯一上枱已好吸引, 仲要咁大碟同足料, 廚房有料到喎!

菠蘿海鮮炒飯

$58

再另外既朋友叫沙茶肉片炒河, 又係OK wor! 沙茶係好香既沙嗲, 河粉係幼條, 炒得唔會肥膩, 條條爽滑! 食落新鮮既肉片, 再上少少芝麻係上面, 成件事CP值好高! 

沙茶肉片炒河

$58

店內環境有關於馬鞍山歷史既相望吓, 唔講真係唔知馬鞍山以前係咁有趣!
一般社企餐廳質素都係麻麻, 但呢間鞍山茶座社企CP值超高!  堅得! 以後開飯唔洗煩啦!