hive

營業中

休息中

喺元朗朗屏朗壹有間好靚嘅寵物友善餐廳，最近我去咗試吓。呢度環境寬敞，特別適合帶住毛小孩一齊來。入到去之後，第一個感覺就係好舒服，裝修設計得幾有心思，令到人一入就覺得放鬆。我試咗佢哋嘅凍烏冬，味道唔錯！稻庭烏冬麵條彈牙，搭配上新鮮嘅海鮮，真係食得出用心。特別係蝦同貝類，份量都幾足，食落去鮮味十足，仲有幾粒番茄仔，增添咗啲酸甜味，真係好開胃。另外，佢哋嘅咖啡都幾吸引。我點咗杯iced americano，唔會過於苦澀，亦都唔會酸，飲落去感覺好清新，正好配埋碟嘢食。餐廳服務態度亦都幾好，而且有毛孩行嚟行去令人覺得放鬆，同時之間亦都規定咗毛孩需要着尿片，非常乾淨如果你都鍾意帶住寵物出街，又想搵間舒服嘅地方食飯，呢間餐廳絕對值得推薦！下次有機會，我一定會再返去試多啲其他嘢食。