仙后餐廳 (已結業)

張生開的餐廳，開左咁耐終於有機會品嚐。一入餐廳，環境一流，超級咁靚。我地叫左兩個dinner set 約$730/位。有前菜、湯、主食和甜品。飲品要額外點餐。前菜：酥皮焗田螺，另一個加左$48點了帶子他他配魚子醬。田螺味道剛好，配酥皮脆脆的感覺特別反而帶子他他太酸，魚子醬太少食不出味道。餐湯是粟子湯，我第一次飲粟子湯，不算很濃，味道清新。主菜選了牛柳，我點的是3成熟，肉質嫩滑，3成熟剛好，不會有太多血水，牛肉表層煎得很好要讚！甜品是朱古力拿破崙配焦糖味雪糕，有點太甜，不過朱古力包著拿破崙酥皮，都係我第一次見，好新奇