影片
更多
2019-07-30
651 瀏覽
之前與好友們約好食飯, 由於主題是"打邊爐", 朋友們就揾到新開張嘅"湊湊", 就不如一試. 佢地都有好幾款湯底選擇, 可以係單鍋, 鴛鴦鍋及任性鍋 (3種湯底), 想試任性鍋的話就一定要book 房間嘅先可以享用得到, 我地六位最後都決定book 房, 可以任性d食飯, 同埋傾計都有privacy d.我地揀咗"台式麻辣湯底", "花膠雞湯底"及"龍蝦湯底", 另外叫咗湊湊精選牛肉, 牛上腦(chuck), 海鮮併盤, 蔬菜併盤, 海鮮棒棒糖, 午餐肉, 響鈴, 油炸鬼, 炸魚皮.先上咗嗰湯底, 由於我唔太食得辣, 所以我最期待就係試嗰花膠雞湯底, 店員提醒我地要耐不耐攪動下嗰湯, 因為好多料係湯入面, 怕會痴底, 當嗰鍋煮番滾後, 我地每人先試一碗花膠湯, 畢起先感覺到湯底好杰下, 飲埋就覺得好似飲緊豆腐羹嗰仲感覺, 雖然好"膠", 但唔係我地想像中嗰種湯底, 失望~ 至於台式麻辣湯底, 朋友們就話唔夠辣, 但係就可以無限添食鴨血同豆腐, 都唔錯嘅, 而且仲可以安排外賣一盒拎番屋企, 鐘意食鴨血嘅朋友會覺得好抵! 論到龍蝦湯底, 係全晚比較有驚喜嘅湯底, 真係有一大隻龍蝦係湯度
佢地都有好幾款湯底選擇, 可以係單鍋, 鴛鴦鍋及任性鍋 (3種湯底), 想試任性鍋的話就一定要book 房間嘅先可以享用得到, 我地六位最後都決定book 房, 可以任性d食飯, 同埋傾計都有privacy d.
我地揀咗"台式麻辣湯底", "花膠雞湯底"及"龍蝦湯底", 另外叫咗湊湊精選牛肉, 牛上腦(chuck), 海鮮併盤, 蔬菜併盤, 海鮮棒棒糖, 午餐肉, 響鈴, 油炸鬼, 炸魚皮.
先上咗嗰湯底, 由於我唔太食得辣, 所以我最期待就係試嗰花膠雞湯底, 店員提醒我地要耐不耐攪動下嗰湯, 因為好多料係湯入面, 怕會痴底, 當嗰鍋煮番滾後, 我地每人先試一碗花膠湯, 畢起先感覺到湯底好杰下, 飲埋就覺得好似飲緊豆腐羹嗰仲感覺, 雖然好"膠", 但唔係我地想像中嗰種湯底, 失望~ 至於台式麻辣湯底, 朋友們就話唔夠辣, 但係就可以無限添食鴨血同豆腐, 都唔錯嘅, 而且仲可以安排外賣一盒拎番屋企, 鐘意食鴨血嘅朋友會覺得好抵! 論到龍蝦湯底, 係全晚比較有驚喜嘅湯底, 真係有一大隻龍蝦係湯度, 而且味道唔錯, 基本上之後碌食物都差不多落係龍蝦湯入面!
至於其他食物, 嗰湊湊精選牛肉真係唔掂, d 肉好"un", 牛上腦比較好少少, 但係都係麻麻, 午餐肉係"牛肉"唔係"豬肉", 都係麻麻地, 油炸鬼同響鈴不吃也罷! 炸魚皮, 蔬菜及海鮮併盤就不過不失, 比較好少少係嗰"海鮮棒棒糖", 其實係類似蝦滑,墨魚滑加入唔同嘅蔬菜mix埋一齊再整到好似一個棒棒糖咁, 呃like一流, 但味道都唔錯嘅!
全晚最正反而係d 飲品, 招牌飲品"大紅袍珍珠奶茶"好好飲, 係必點嘅飲品, 5分糖已經好好, 唔甜! 另外鐵觀音珍珠奶茶, 翡翠檸檬都好好飲! 如果想試飲多幾樣就記住要細杯好啦, 大杯真係好大下!
雖然食物質素有d 失望, 但係的確環境一流, 就算唔坐房, 坐係廳食都唔會覺得逼狹, 服務都好好, 店員好細心, 亦都會聽取我地嘅意見. 希望佢地會繼續進步, 再提高番d 食物質素, 客似雲來!
張貼
