京都一の傳 (已結業)

假日午餐，選了藏味噌白金豚肉定食，前菜好陣勢。曰式沙律：清醋配新鮮蔬菜；枝豆兩串；煮炸豆腐粒：味道好，不過太細粒；蟹籽蒸蛋：好有特色，因為是凍的，蛋滑溜但毫無香氣，幾失望吓；聲稱用雞湯煮製的紹菜配肉片及紅蘿蔔片：食唔出鷄味，肉片幼細，又乾又嚡，紅蘿蔔一般；味噌湯：正常，夠熱，唔搶喉，加入腐皮條，有咬口，做出水準。主菜的豬肉是五花腩片，醃製一流，我平時不吃肥肉部位，今次破例，因為肥瘦相間均勻，醃料顏色太深，難以分離，所以一口一片吃過算了，讚賞的是其肥而不膩，送飯一流，再用醃菜派味解油，配搭尚算精采。整體而言，食物方面不算美味，餐廳環境卻令人食得舒服，侍應也高效有禮。