影片
更多
2025-05-29
367 瀏覽
好鍾意呢度嘅裝修，同時具有復古同時尚嘅風格，打卡位勁多！自家製青醬白蜆配彼得包：啲蜆肥嘟嘟，浸住啲青醬，一啲沙都冇，個醬非常之香～用彼得包點嚟食，索晒啲汁，好味！香炸單骨水牛雞翼配忌廉醬：單骨雞翼炸到脆卜卜，，個水牛城醬辣得嚟又帶少少酸，加埋個忌廉醬，又辣又creamy！焦糖香蕉雜包樹頭麵包配伯爵茶意式雪糕：超推薦！麵包上面有脆焦糖架～外脆內軟，甜得嚟唔膩，個伯爵茶雪糕茶味超濃，一冷一熱咁食好正～仲要有香蕉、西柚、橙、無花果，以及大量nuts，成個甜品層次勁豐富！凍玉桂維也納、凍粉紅石榴冰茶：兩款都好出色！玉桂維也納上面有厚厚嘅奶蓋，而玉桂味香得嚟唔會搶走下層嘅咖啡，成件事好夾！石榴冰茶由紅石榴汁同番石榴汁混合而成，酸酸甜甜，非常清新！
好鍾意呢度嘅裝修，同時具有復古同時尚嘅風格，打卡位勁多！
自家製青醬白蜆配彼得包：
啲蜆肥嘟嘟，浸住啲青醬，一啲沙都冇，個醬非常之香～用彼得包點嚟食，索晒啲汁，好味！
香炸單骨水牛雞翼配忌廉醬：
單骨雞翼炸到脆卜卜，，個水牛城醬辣得嚟又帶少少酸，加埋個忌廉醬，又辣又creamy！
焦糖香蕉雜包樹頭麵包配伯爵茶意式雪糕：超推薦！麵包上面有脆焦糖架～外脆內軟，甜得嚟唔膩，個伯爵茶雪糕茶味超濃，一冷一熱咁食好正～仲要有香蕉、西柚、橙、無花果，以及大量nuts，成個甜品層次勁豐富！
凍玉桂維也納、凍粉紅石榴冰茶：
兩款都好出色！玉桂維也納上面有厚厚嘅奶蓋，而玉桂味香得嚟唔會搶走下層嘅咖啡，成件事好夾！
石榴冰茶由紅石榴汁同番石榴汁混合而成，酸酸甜甜，非常清新！
張貼
