影片
更多
2021-10-08
562 瀏覽
地址－The Stadium觀塘興業街4號The Wave 4樓💋特色炸物拼盤，佢個拼盤勁多野食，但記得一定要先食左個芝士條先，我就係一開始就食佢，可以做到拉絲效果，勁正，灘凍左就冇了，咁當然要小心辣親啦，佢個水牛雞翼醬汁做到酸酸甜甜咁，幾開胃，魷魚圈就爽脆彈牙，配埋佢個醬簡直係絕配！💋黑松露薯條，佢個薯條都係岩岩炸起，勁正，好脆口，加埋海量的芝士粉係上面，直頭想叫多個黎食，配埋佢個黑松露醬真係不得了，更何況我係黑松露的SUPER FANS，所以食唔停口，有失儀態，嘻。💋煙三文魚沙律，佢個沙律除左有煙三文魚外，仲有D烤雞胸，好抵咁XD，佢冇落醋，反而另配醬汁比你，我覺得咁樣安排都唔錯，有D懶健康的人可以根據需要蘸多定少醬，而我就唔理咁多，蘸多D，最多之後再KEEP，但諗深一層，都有咁多菜，都唔怕啦XD。💋海鮮扁意粉，佢個份量偏少左D，唔太夠我地分，但配料就唔合比例地多，有青口同肉肉，佢個扁意粉煮的時間剛好，幾有咬口，配上佢個醬汁，只可以話佢的缺點係份量太少，唔夠喉囉！如果多一點會開心好多。💋茄汁肉丸意粉，鑑於扁意粉份量太少了，我地一致通過需要追加意粉，係精挑細選下就揀左佢個茄汁意粉，試
觀塘興業街4號The Wave 4樓
💋特色炸物拼盤，佢個拼盤勁多野食，但記得一定要先食左個芝士條先，我就係一開始就食佢，可以做到拉絲效果，勁正，灘凍左就冇了，咁當然要小心辣親啦，佢個水牛雞翼醬汁做到酸酸甜甜咁，幾開胃，魷魚圈就爽脆彈牙，配埋佢個醬簡直係絕配！
💋黑松露薯條，佢個薯條都係岩岩炸起，勁正，好脆口，加埋海量的芝士粉係上面，直頭想叫多個黎食，配埋佢個黑松露醬真係不得了，更何況我係黑松露的SUPER FANS，所以食唔停口，有失儀態，嘻。
💋煙三文魚沙律，佢個沙律除左有煙三文魚外，仲有D烤雞胸，好抵咁XD，佢冇落醋，反而另配醬汁比你，我覺得咁樣安排都唔錯，有D懶健康的人可以根據需要蘸多定少醬，而我就唔理咁多，蘸多D，最多之後再KEEP，但諗深一層，都有咁多菜，都唔怕啦XD。
💋海鮮扁意粉，佢個份量偏少左D，唔太夠我地分，但配料就唔合比例地多，有青口同肉肉，佢個扁意粉煮的時間剛好，幾有咬口，配上佢個醬汁，只可以話佢的缺點係份量太少，唔夠喉囉！如果多一點會開心好多。
💋茄汁肉丸意粉，鑑於扁意粉份量太少了，我地一致通過需要追加意粉，係精挑細選下就揀左佢個茄汁意粉，試下唔同種類，冇咁DRY嘛，佢肉丸好X大粒，味道都幾好，幾有肉味，我以為佢似I記咁的味道，但原來唔係喎，佢質感比I記彈牙唔少，幾好，佢兩碟意粉加埋就等於正常份量的意粉啦。
💋美式烤豬肋骨(半條），要呃LIKE又點少得呢D大堆頭食物，更何況有得叫冇理由唔叫下 XD，佢雖然只得半條，但份量都唔講得少，大條得黎肉都唔少，佢個醬汁酸酸甜甜，食完好想再叫，但睇到價錢…. 都係算，留返機會比其他食物XD。
💋美國特級肉眼扒，另一個必點呃LIKE食物當然係肉眼扒啦，上碟一刻人人都口水直流，紛紛搵紙巾抹咀仔XD，佢賣相真係好討好，今次呢塊都唔算太肥，都幾適中，幾厚下，可以滿足佢地食肉獸的慾望，但薯角反而有點失色，可能炸完後擺耐左，有點淋，最後都冇食晒佢，可惜。
💋炭烤羊排，好怕食D好有膻味，但好彩呢碟唔算太勁，屬於可以接受的範圍，佢雖然只有3件，但都好厚身，都夠我地幾個食，佢咬落口感都唔錯，唔會話烤得太耐，搞到柴晒，佢跟個醬汁唔係平時我地食個D跟薄荷醬，反而都可以提升羊排的味道，幾好。
💋夏威夷特色薄餅，佢地食咁多野都未夠飽，貼心如我當然提議加多個澱粉野，實行質飽佢地的大肚子，咁佢呢個一上碟就首先一層厚厚的芝士進入眼簾，勁正，加埋菠蘿，火腿等材料，佢又係用左厚批底，焗得鬆化香口，比P記的好食好多，仲可以玩埋拉絲，勁正！
張貼