影片
更多
2018-11-03
165 瀏覽
本來以為好難搵到，原來沿住條亞皆老街大路直行，到勝利道轉入去行多陣就見到。店員有禮貌。店面唔大，但坐得算舒服。簡單風格，Open kitchen。真心未見過有西餐廳用Open Kitchen 咁大膽，妙就妙在原來感覺好似去左朋友屋企食飯，有種親切感。壞處係煮起嘢上黎油煙味都唔野少。呢點要改進下。叫左個黑椒汁西冷扒同牛油果慢煮雞胸，另加$45轉餐。餐沙律份量ok，唔大唔細啱啱好。菜好新鮮，Bacon 條夠脆口。汁似普通Caesar 汁。餐湯係雜菌忌廉湯，Creamy, 足料，好味。係叻嘅！ 飲完飽飽地 😌牛肉厚身有口感，有肉汁，牛味算濃。慢煮雞胸其實預左佢非常慢上 (餐牌寫明需時)，但實際上又唔算等左好耐。🤔 個西冷好快黎到，食左差唔多一半就上喇。伴碟非常精緻，嗰 "pat" 薯蓉可以用 “小清新” 黎形容。橙色一粒粒插住百里香，扮演蘿蔔，好可愛嘅東東我地研究左好耐係咩黎。最後忍唔住問大廚，佢話南瓜造嘅醬汁。有心思到～😍整體味道配答得相當唔錯，如果雞扒可以再軟身D就最好。朋友叫左一壺荔枝茶。以為都係一般聞有味飲冇味茶包，點知一飲有驚喜。喜出望外咁話 “真係有味架！甜架！”總括而言，滿足開
店員有禮貌。店面唔大，但坐得算舒服。簡單風格，Open kitchen。真心未見過有西餐廳用Open Kitchen 咁大膽，妙就妙在原來感覺好似去左朋友屋企食飯，有種親切感。壞處係煮起嘢上黎油煙味都唔野少。呢點要改進下。
叫左個黑椒汁西冷扒同牛油果慢煮雞胸，另加$45轉餐。
餐沙律份量ok，唔大唔細啱啱好。菜好新鮮，Bacon 條夠脆口。汁似普通Caesar 汁。
餐湯係雜菌忌廉湯，Creamy, 足料，好味。係叻嘅！ 飲完飽飽地 😌
牛肉厚身有口感，有肉汁，牛味算濃。
慢煮雞胸其實預左佢非常慢上 (餐牌寫明需時)，但實際上又唔算等左好耐。🤔 個西冷好快黎到，食左差唔多一半就上喇。
伴碟非常精緻，嗰 "pat" 薯蓉可以用 “小清新” 黎形容。橙色一粒粒插住百里香，扮演蘿蔔，好可愛嘅東東我地研究左好耐係咩黎。最後忍唔住問大廚，佢話南瓜造嘅醬汁。有心思到～😍
整體味道配答得相當唔錯，如果雞扒可以再軟身D就最好。
朋友叫左一壺荔枝茶。以為都係一般聞有味飲冇味茶包，點知一飲有驚喜。喜出望外咁話 “真係有味架！甜架！”
總括而言，滿足開心嘅一餐。大廚不時問下我地意見，又認真聽。
另外仲有樣嘢要讚，就係個洗手間！！ 好乾淨舒服。睇得出有花過心思👍👍
張貼
