和歌山 (樂富廣場A區)

營業中

休息中

近樂富火車站嘅一間日式餐廳同朋友2:30pm左右去，食客唔算多，環境幾舒適。落完單後，好快就上菜首先係全餐最大讚嘅和式主食!個賣相好吸引，鍾意佢每個伴碟嘅份量少少，有多伴碟嘅設計，可以試多幾款嘢食。同埋銀雪魚本身巳經好味，整體個和食好滿意。然後飲品揀咗水果茶同巨峰梳打，本身我自己點水果茶但覺得唔夠甜，所以同朋友交換咗。巨蜂梳打唔錯朋友戒咗糖，所以佢覺得個水果茶啱啱好，係水果本身嘅甜味，仲有滿滿嘅水果食。小食揀咗天婦羅牡蠣，天婦羅蝦，芝士蛋卷，牡蠣餃子。天婦羅牡蠣大大隻，唔會好厚粉。天婦羅蝦外脆內軟，依個好推薦試下牡蠣餃子個皮好薄，唔會成舊粉，唔錯唔錯。芝士蛋卷好大份，芝士控一定要試，因為佢有一大塊芝士放係上面。成個味道都好唔錯！整體用餐都好滿意，最鍾意係個主食，因為賣相同味道都好好。同埋份量好大，兩個人食一個主食配幾個小食都好夠。推薦鍾意慢慢安靜咁食嘢嘅人試下。