影片
更多
2021-08-23
2293 瀏覽
家人想要生日吃素，於是在志蓮素齋book位食午餐。早2個星期book 左12點，每人消最少$120。之前未食過呢間素食，知道好出名，但原來來個段南蓮園池已經好靚。門口出面有2個牌有寫上有乜野食和價錢$11:45到逹餐廳門口，等多一陣，到12點準時入餐廳。入到去，坐的位置對住瀑布，好靚呢!我地2個人最後要左一個一人餐和另外要一個如意角。首先來的是(1) 金孢竹燕羹，這個味道有啲似碗仔翅，但味道較淡，仲有啲菇、荀係裡面，好味。之後來的係前菜(2)松露芙蓉和薑蓉球莖青瓜花，2個都是涼菜。松露芙蓉:有淡淡的松露味，但唔太搶，和腐皮都好夾。薑蓉球莖青瓜花: 唔知道什麼叫薑蓉球莖，但有啲似體積細好多的雪耳，好爽口;青瓜花細細條，有咬口、好清爽。呢個都好好食。跟住來的是(3)炸物，左面的是千絲黃油卷和、右面是酥炸海苔卷。呢2個個人覺得好好食，100分。千絲黃油卷的絲一條條，但唔油膩，而海苔卷亦好香口、好鬆脆。然後等左好耐(亦有懷疑漏單)，大約等左20分鐘，先至再來下一度餸，就來左(4)如意角，呢個係另外叫，唔係套餐。如意角是腐皮包住菇絲、蘿蔔等食物，每個如意角都淋淋的，真的有啲似枕頭，好食，個芡汁亦
之前未食過呢間素食，知道好出名，但原來來個段南蓮園池已經好靚。
門口出面有2個牌有寫上有乜野食和價錢$
11:45到逹餐廳門口，等多一陣，到12點準時入餐廳。入到去，坐的位置對住瀑布，好靚呢!
我地2個人最後要左一個一人餐和另外要一個如意角。
首先來的是(1) 金孢竹燕羹，這個味道有啲似碗仔翅，但味道較淡，仲有啲菇、荀係裡面，好味。
金孢竹燕羹
23 瀏覽
0 讚好
0 留言
之後來的係前菜(2)松露芙蓉和薑蓉球莖青瓜花，2個都是涼菜。
松露芙蓉:有淡淡的松露味，但唔太搶，和腐皮都好夾。
松露芙蓉
33 瀏覽
0 讚好
0 留言
薑蓉球莖青瓜花: 唔知道什麼叫薑蓉球莖，但有啲似體積細好多的雪耳，好爽口;青瓜花細細條，有咬口、好清爽。呢個都好好食。
25 瀏覽
0 讚好
0 留言
跟住來的是(3)炸物，左面的是千絲黃油卷和、右面是酥炸海苔卷。呢2個個人覺得好好食，100分。千絲黃油卷的絲一條條，但唔油膩，而海苔卷亦好香口、好鬆脆。
然後等左好耐(亦有懷疑漏單)，大約等左20分鐘，先至再來下一度餸，就來左(4)如意角，呢個係另外叫，唔係套餐。如意角是腐皮包住菇絲、蘿蔔等食物，每個如意角都淋淋的，真的有啲似枕頭，好食，個芡汁亦唔太咸、唔結身，剛剛好。
35 瀏覽
0 讚好
0 留言
之後來的是(5) 丹荔齌咸蒸飯，完全無頭緒乜野是丹荔齌，但口感似是酒樓的蒸飯，而餸就是菇絲和薑絲等等，唔加豉油係好淡口的，但加少少就已經完全令個飯好吸引。
丹荔齌咸蒸飯
49 瀏覽
0 讚好
0 留言
跟住再來的是(6)清蒸松茸，淡淡的味道，不用再加其他調味料，也幾好食。
清蒸松茸
33 瀏覽
0 讚好
0 留言
(7)牛油香草灼猴頭菇: 呢個相對其他失色一些，牛油香草化成湯，但牛油香草呢個煮法其實好西色，變成湯灼和猴頭菇一啲都唔夾。而猴頭菇亦灼等唔夠淋，有些較厚肉的猴頭菇什至咬唔開，呢個麻麻地。
牛油香草灼猴頭菇
40 瀏覽
0 讚好
0 留言
(8) 招牌陳皮紅豆沙: 呢個係整餐飯最失望的。單叫要$70，因為有叫套餐就加$40就可以，但真係一。啲。都。唔。值。紅豆沙其實煮都起沙，而且個糖水淆濃度剛剛好，但完全食唔出有陳皮味，亦都唔見任何陳皮。簡單啲來講 ，佢的質素是你係一間屋邨酒樓食完飯，部長話送我地每人一碗紅豆沙的質素，如果要比錢，係一定唔會叫的質素，這個如果要另外$70來食，就更加唔值，坦白講，有啲失望。
招牌陳皮紅豆沙
110 瀏覽
1 讚好
0 留言
最後仲有個時令水果，水果幾片，幾好味。
雖然有一啲餸唔係咁鍾意食，但大部份都好滿意，會再來食。
張貼
