鮨亭 (已結業)

朋友介紹屯門置樂個邊有間較為隱秘的日式餐廳，仲話一定比到驚喜我呢個闊別日本差不多三年的日本迷，幫我解一解下思鄉之情喎。店舖不算太大，標準日式餐廳的裝修，店內有個金魚缸，仲有一堆大大枝清酒作擺設，整個感覺真係好有日本feel。座位方面亦都闊落，最重要的是服務態度很好，令人實在有賓至如歸的感覺。與職員閒談間，知道食材方面都是每天下午由日本新鮮運到，目的就是為了保持食物質素。另外，呢間店係有包房服務，閒日就最低消費$3000，假日就最低消費$4000，包房可以同班friend盡興d，咦，我都就快生日喎，可以諗諗。 蟹籽沙律 – 最鍾意就係食呢款沙律，偶然去連鎖式的壽司店叫一碟仔，已經廿幾蚊，仲要細細碟，食得一d都唔盡興同滋味，呢到只係$88大大碟，仲要係松葉蟹肉呀，真滿足。 日本特盛藏岩蠔 + 三文魚籽配即開海膽 – 日本特盛藏岩蠔+海膽+三文魚籽+黑魚籽，太豪爽的食法，一啖過，正！生蠔極鮮同肥美，仲有淡淡的咸咸海水味，而海膽又係好creamy，有埋充滿口感的三文魚籽，再再再加埋少量的黑魚籽，太好食！ 精選火炙壽司拼盤9件 – 師傅選取當日最鮮最好的材料作為這9格的壽司，9格都無令人失望。