影片
更多
2024-08-24
253 瀏覽
兩個成日話要去貓貓🐱Cafe玩貓貓！上網search見到呢間「毛所樹樹」位於長沙灣，然後再睇到佢哋嘅Menu完全吸引咗我去啊，因為有好多素食😍，見到素食部隊鍋、冬陰功、炭燒牛漢堡．．講起又流口水啦！先講吓環境，四圍都係木系裝修，感覺好舒服，最主要係環境非常清潔衛生，絕無異味，啲貓貓又乖又肥美🤣，兩個小朋友掛住玩貓貓玩到人哋收工先肯走😅（素）Classic 炭燒 「牛」漢堡配直薯條店主親自整嘅素牛肉，咬口豐富，鹹香肉味，再配上蔬菜及醬汁，juicy好味。薯條新鮮熱辣辣、脆卜卜！凍朱古力鮮奶 Iced Chocolate Milk淡淡地嘅朱古力味再配上鮮奶，適合唔鍾意太甜嘅人士！（肉）溫泉蛋黑松露忌廉汁卡邦尼意粉佢兩個最鍾意食卡邦尼意粉，香濃黑松露配上Creami忌廉汁，意粉彈牙掛汁，兩個話咁快就食晒啦。紫夜星願佢係蝶豆花嘅飲品，一杯嘢飲有三個顏色，超打卡able ，又靚又好飲，呢杯啱喜甜嘅朋友！Muffin 瑪芬鬆餅（三重朱古力流心）外面香脆，入面鬆軟，配上三重朱古力口味，切開仲有流心朱古力，勁好味呀！避風塘雞軟骨帶點麻辣帶點鹽味，香脆雞軟骨，炸得金黃色，獨特嘅避風塘風味，晙晙話好特別，
上網search見到呢間「毛所樹樹」位於長沙灣，然後再睇到佢哋嘅Menu完全吸引咗我去啊，因為有好多素食😍，見到素食部隊鍋、冬陰功、炭燒牛漢堡．．講起又流口水啦！
先講吓環境，四圍都係木系裝修，感覺好舒服，最主要係環境非常清潔衛生，絕無異味，啲貓貓又乖又肥美🤣，兩個小朋友掛住玩貓貓玩到人哋收工先肯走😅
（素）Classic 炭燒 「牛」漢堡配直薯條
店主親自整嘅素牛肉，咬口豐富，鹹香肉味，再配上蔬菜及醬汁，juicy好味。薯條新鮮熱辣辣、脆卜卜！
凍朱古力鮮奶 Iced Chocolate Milk
淡淡地嘅朱古力味再配上鮮奶，適合唔鍾意太甜嘅人士！
（肉）溫泉蛋黑松露忌廉汁卡邦尼意粉
佢兩個最鍾意食卡邦尼意粉，香濃黑松露配上Creami忌廉汁，意粉彈牙掛汁，兩個話咁快就食晒啦。
紫夜星願
佢係蝶豆花嘅飲品，一杯嘢飲有三個顏色，超打卡able ，又靚又好飲，呢杯啱喜甜嘅朋友！
Muffin 瑪芬鬆餅（三重朱古力流心）
外面香脆，入面鬆軟，配上三重朱古力口味，切開仲有流心朱古力，勁好味呀！
避風塘雞軟骨
帶點麻辣帶點鹽味，香脆雞軟骨，炸得金黃色，獨特嘅避風塘風味，晙晙話好特別，而且佢最鍾意食辣吖。
啲貓貓好溫馴又得意，唔好睇佢個樣以為好高竇，但係佢哋好貴真係任摸都唔嬲😝，下次一定要再嚟過，事關我仲有好多嘢食想試吖😍
張貼
