鼎泰豐

營業中

休息中

見好耐無去鼎泰豐，今晚又想食上海野就去下。小籠包明顯少汁左好多，而且無肉鮮味。牛肉麵同菜肉蒸餃都ok。但我諗今次食物味道已經唔係重點了，呢間野啲食物衛生管理都好有問題！話說我地叫左一碟蘿蔔海蜇，但侍應上錯左去後面嗰枱。另一枱顧客撩左幾下又討論左一輪之後，就同佢講上錯左枱。然後！個侍應就咁將嗰碟比人玩過晒既海蜇皮擺上我地枱！打算就咁比我地食。我地喝住佢要求換過碟，佢先肯換一碟新。你以為故事完啦咩？ 未呀！佢再將嗰碟比人玩過既海蜇擺去遠少少既另一枱，扮新既上菜比人地。我本人無食二手飯既喜好，亦唔夠環保。推薦比鍾意食二手野既人去支持呢間野。