影片
更多
2016-08-31
8824 瀏覽
江妮姐帶小弟出城見識見識，第一次品嚐瑞士菜啊，感激萬分。七點我兩已坐定定等開飯，時間尚早彷如包場一樣，一個客都未有呢。全場外藉職員，貌似菲律賓及印度，全程要講英文呢。order 完就靜靜地等開飯。好別緻又古式古鄉既布枱墊，而且內籠裝潢以木材為主，非常瑞士小鎮風呢，感覺舒服溫暖。Apple cinder，來佬貨喎當然要試試，甜甜地幾好飲，可選擇有酒精或無酒精兩款。我飲有酒精成份既，甜味多過酒味，當汽水飲，都幾好。果糖？堅甜喎。butter with trade mark，印有商標既牛油，幾得意。不過好似份量太多，兩個人用本五份一已足夠。剩餘既會唔會返用呢？掉左又好浪費喎。幼滑到不得了，比一般牛油淡，不過好香，早知大大劈隊落舊麵包度啦！龍蝦仔忌廉薯仔湯，味道一般，質感太厚，鞋鞋地，可能薯蓉關係，又可能落多了麵粉，幼滑欠奉。特別就幾特別，都係傳統龍蝦湯較為好飲。生黃猄肉配芝士蒺藜油及酸磨菇，非常瑞士農家菜 feel，如果每樣食材單獨食既味道單調又古怪，但捲埋一齊食就完全唔同晒！配搭特別，薄切黃猄肉刺生本身沒什麼味道，夾上淡味硬芝士，淋上帶甘苦辛味香草油，帶出清新肉香肉甜，好神奇。層次質感複雜
七點我兩已坐定定等開飯，時間尚早彷如包場一樣，一個客都未有呢。全場外藉職員，貌似菲律賓及印度，全程要講英文呢。
order 完就靜靜地等開飯。好別緻又古式古鄉既布枱墊，而且內籠裝潢以木材為主，非常瑞士小鎮風呢，感覺舒服溫暖。
Apple cinder，來佬貨喎當然要試試，甜甜地幾好飲，可選擇有酒精或無酒精兩款。我飲有酒精成份既，甜味多過酒味，當汽水飲，都幾好。果糖？堅甜喎。
butter with trade mark，印有商標既牛油，幾得意。不過好似份量太多，兩個人用本五份一已足夠。剩餘既會唔會返用呢？掉左又好浪費喎。幼滑到不得了，比一般牛油淡，不過好香，早知大大劈隊落舊麵包度啦！
龍蝦仔忌廉薯仔湯，味道一般，質感太厚，鞋鞋地，可能薯蓉關係，又可能落多了麵粉，幼滑欠奉。特別就幾特別，都係傳統龍蝦湯較為好飲。
生黃猄肉配芝士蒺藜油及酸磨菇，非常瑞士農家菜 feel，如果每樣食材單獨食既味道單調又古怪，但捲埋一齊食就完全唔同晒！
配搭特別，薄切黃猄肉刺生本身沒什麼味道，夾上淡味硬芝士，淋上帶甘苦辛味香草油，帶出清新肉香肉甜，好神奇。層次質感複雜多變，好好既一道前菜，醒神好開胃。
瑞士白汁牛仔肉配薯餅，又一道非常熟悉、非常傳統既牛仔肉菜色。牛仔肉鮮嫰滑滑，不乏肉汁夠濕潤，牛味突出濃濃。
薯餅香脆，外層金黃鬆化，裡面薯絲半脆半粉好過癮，薯仔味鮮甜香醇。正宗煎薯餅，唔係麥當勞硬實死實快餐炸薯餅。
鬆脆外層索一索忌廉牛肉汁再夾著牛仔肉同吃，別具特色，更加美味！伴碟蔬菜七彩繽紛，種類繁多，新鮮爽嫩，味道可口又多汁，滿意。
Apple cinder
145 瀏覽
0 讚好
0 留言
butter with trade mark
135 瀏覽
0 讚好
0 留言
龍蝦仔忌廉薯仔湯
125 瀏覽
0 讚好
0 留言
生黃猄肉配芝士蒺藜油及酸磨菇
139 瀏覽
0 讚好
0 留言
瑞士白汁牛仔肉配薯餅
126 瀏覽
0 讚好
0 留言
張貼
