The Stadium (已結業)

The Stadium 喺觀塘 The Wave 四樓全層，餐廳特別大，揀好位置後，發覺枱墊有特別，係不同球場的款式，有心思。一款手撕豬肉芝士牛肉漢堡，係將豬肉及牛肉做成漢堡扒，兩種肉味混合頗為特別，香煎後一絲絲嘅肉味仍然夠juicy，質感幼滑，配合洋蔥絲、紅椰菜絲及舖滿沙律醬又焗香嘅包，的確滿足。仲有炸得香脆嘅大大份薯條，賣相精美，迎合大家不同的口味。又點咗忌廉汁海鮮千層麵，千層麵嘅海鮮極之豐富，有燒好嘅大蝦及帶子，麵與麵之間再有好多蝦肉及帶子粒，伴濃郁忌廉醬汁，層次豐富，每一口都令人回味。叫左兩杯餐飲凍檸茶同檸水，甜度可自己控制，夠健康原來晚餐的款式係會定時更換，令人每次都很期待！