牛極 (庇利金街) (已結業)

再要幫牛極寫多個好評！事關佢真係一間又貼地又好食兼平民化嘅石版燒牛肉餐廳，只係$80就可以食到佢哋來自美國嘅安格斯牛肩肉，認真抵食！我叫咗牛肩肉，而朋友就叫咗200 Gram嘅牛柳，兩者最大嘅分別一定係在於肉質上嘅不同，口感亦截然不同！分量方面驟眼望落去都差唔多，只係喺Gram數上面有所分別。石版燒得好熱，足足維持10幾分鐘，石板上面嘅熱到依然冇減退，繼續發出炸炸嘅聲響，桌上面有調味料：包括黑椒海鹽及香料等，可以自由配搭自己喜愛的口味。依家開咗五間分店地理位置又夠方便，大家得閒就去下啦。