韓樂 (小西灣廣場)

營業中

休息中

黎到小西灣，真係唔知有咩好食，見到呢間似韓燒主題格局既餐廳，就膽粗粗入去試下。1個人叫左薯條芝士餐，葱油牛肉撈韓式粉絲，跟2杯餐飲，熱檸水，熱朱古力。葱油牛肉撈韓式粉絲，醬料好香，每次叫韓式粉絲好少會難食既，係食到尾有d唔夠味，我本身都已經食好淡味。薯條芝士，薯條好咸，芝士醬唔夠熱，係用車打芝士加左好多忌廉，所以凍哂都係液體，有d失望。熱檸水，熱朱古力，呢度既熱檸水係冇原片檸檬比你，已經好細比咁幫你整好檸檬汁同隔左核，好夠酸! 唔錯既餐廳，服務員態度友善，可惜有時會唔夠服務員，可能係2pm後，好多客人好似跌左落水咁呼救都冇人理，食物都好快上枱，但成間餐廳冷氣太凍，唔係風口位都凍到流鼻水。