今日經過長沙灣，食左間韓國餐廳。 招牌太光猛，完全睇唔到個個店名🤣 入面地方唔算大，紫粉色既霓虹燈照滿全店， 個感覺好溫暖，好似日本果啲居酒屋咁。啲啤酒先$18 一支，超抵飲。
餐廳幅超大既IU畫像， 仲有佢代言既燒酒，睇呢店主好中意IU🤣
🌟泡菜炒飯（$58）🌟
泡菜份量好多，裡面仲要紫菜，豬腩肉等等， 辣辣地幾惹味。
❤️❤️❤️❤️
-----------------
🌟芝心豬扒飯（$78）🌟
掛住影相， 拉絲又熱騰騰既芝心豬扒比我攤凍左。 呢碟菜有創意得尼味道同口感都一百分。 脆卜卜既豬扒裡面有爆多既流心芝士， 超有誠意。 食到停唔到口🤤 如果多幾塊豬扒會開心啲。
❤️❤️❤️❤️❤️
----------------
🧈 烤蛋（$25）🧈
呢個烤蛋雖然個名好平凡，但係出奇地好食。 個蛋有少少似日式玉子燒， 甜甜地，裡面有粟米， 軟綿綿且內有乾坤， 仲有香濃芝士，口感好豐富。
❤️❤️❤️❤️❤️
----------------
雖然只係間小店， 但係誠意十足，每碟菜式都有特色， 唔係一味抄。 所以味道獨特，具有創意。 等候時間頗長，因為每碟菜都即叫即整。
仲有我發現餐廳仲有個緣份牆🤣 比單身既你招男女朋友，可能我都會去， 有緣見到你🤣💖
