影片
更多
2020-12-02
89 瀏覽
果日去灣仔做野，順手去搵埋個中同一齊去試呢間老爹。佢搞掂左一個大project，一路都話佢想食西餐，享受下。 因為我地之後都要翻工，就無得飲酒啦！佢地嘅午餐menu都好多選擇架，大多數都係60-80數有找，包埋餐湯、餐包、餐飲咁，但係lunchtime就要加一。整體黎講，係灣仔食飯，呢個價都叫抵食架啦！我個朋友好似做完個project就發左達咁狂叫野食，我地叫左一個 香煎咸牛脷、煎法國鵝肝配無花果、焗田螺一齊share，而佢自己就叫左一個羊架煎大蝦。而佢地嘅羊架，肉質厚實，肥瘦比例岩岩好，咬一啖瘦肉都會有肥油慢慢滲出，又唔會好肥膩或者騷，所有野都岩岩好！我就點左一個香煎比目魚刁草忌廉汁配薯菜，琴晚訓得唔好就想食少少魚補啲魚油，對自己好少少。佢塊比目魚都有翻咁上下重量，加上佢煎得好香脆，一面係焦香嘅，另一面柔軟，唔會食到周圍都係之餘，仲滲出陣陣香草味！不得不提嘅係佢地嘅位置真係好好，有大落地玻璃，地方闊落光猛，又可以睇到樓下繁華嘅皇后大道東，食lunch嘅時侯又有私隱，又有景睇，真係仲有咩可以出錯喎！而佢地嘅野食都係高水平發揮！我地叫嘅三個小菜，上碟嘅時侯都係熱辣辣，新鮮出爐嘅樣，待應生
佢地嘅午餐menu都好多選擇架，大多數都係60-80數有找，包埋餐湯、餐包、餐飲咁，但係lunchtime就要加一。整體黎講，係灣仔食飯，呢個價都叫抵食架啦！我個朋友好似做完個project就發左達咁狂叫野食，我地叫左一個 香煎咸牛脷、煎法國鵝肝配無花果、焗田螺一齊share，而佢自己就叫左一個羊架煎大蝦。而佢地嘅羊架，肉質厚實，肥瘦比例岩岩好，咬一啖瘦肉都會有肥油慢慢滲出，又唔會好肥膩或者騷，所有野都岩岩好！
我就點左一個香煎比目魚刁草忌廉汁配薯菜，琴晚訓得唔好就想食少少魚補啲魚油，對自己好少少。佢塊比目魚都有翻咁上下重量，加上佢煎得好香脆，一面係焦香嘅，另一面柔軟，唔會食到周圍都係之餘，仲滲出陣陣香草味！
不得不提嘅係佢地嘅位置真係好好，有大落地玻璃，地方闊落光猛，又可以睇到樓下繁華嘅皇后大道東，食lunch嘅時侯又有私隱，又有景睇，真係仲有咩可以出錯喎！
而佢地嘅野食都係高水平發揮！我地叫嘅三個小菜，上碟嘅時侯都係熱辣辣，新鮮出爐嘅樣，待應生仲會提我地要小心熱，唔好碰到碟中心位。平時食lunch 怱怱忙忙，難得有得黎一個香港節奏嘅法國大餐，心情真好，無得出國都可以食住田螺，暫時唔好記得自己下午仲要翻工，幻想下自己就係一個唔使做嘅貴婦。
張貼
